حوار غنائي ـــــ بحلم ـــــ جريدة أسد الشعر العربي جمال الشرقاوي إجتماعية ـــ سياسية ـــ فنية ـــ دينية ـــ شعرية ـــ عامة

حوار غنائي ـــــ بحلم ـــــ
أسد الشعر العربي ( جمال الشرقاوي )
حوار غنائي - بحلم -
من كلمات الشاعر - جمال الشرقاوي -




بحلم أعيش من غير ألم
و لا اشوف دموع فيها الندم
بحلم و يمكن مستحيل
تيجي الأماني م العدم
بعيش فــ حلم يــ ناس جميل
حلم عايشه زمن طويل
قلبي مكسور منه اتحرَم
[1]
و انا بحلم يــ ربِّ بالشفا
و اصلـِّـي و ادعي فــ ليل صفا
أتمنىَ اكون زي البشر
م يكونش قلبي فــ يوم جفا
بحلم أعيش من غير دموع
أو شيء ناقصني ملوش رجوع
ياخد من عمري الدفا
[2]
و انا بحلم أكون عسكري فــ الجيش
و احمي الأوطان العربية
و أكون علىَ خط النار و اهجم
مع كل وحوش الجهادية
و ارفع رايتِك يــ بلادي
و أحيِّ علمِك و أنادي
تحيا مصر العربية
[3]
بتمنىَ إصلاح المدارس
و احمي أجيال م الكوارث
نتعلـِّـم و نعيش ثقافتنا
و نطير لفوق زي النوارس
و نرفع راسنا يــ أوطاني
بالنور و العلم الميداني
و اسهر أنا حامي و حارس
[4]
بحلم أكون راجل اقتصاد
و انفع بأموالي العباد
و اعمَّـر فيكي يــ أوطاني
و استثمر من غير أي عناد
شعارنا يآ كل الرجآل
يــ للي انتَ مسئول عن أعمآل
إشتغل من غير فسآد
[5]
بحلم أكون ظابط مرور
عندي ضمير من غير فجور
و احمي الطريق ويَّا البشر
بروح القانون من غير ما أدور
و استحمل كل ولاد بلدي
و ارشدهم و لا امدِّش يدِّي
واجبي القانون مش الأجور
[6]
أنا نِفسي أكون خرِّيج أزهر
و اتكلـِّـم فــ خطاب ديني جديد
و أعلــِّـي صوتي ـــــ ألله أكبر ـــــ
و ادِّي العلم لكل مُريد
لآ إله إلَّا الله
محمد رسول الله
رأي جريء لكن رشيد
[7]
و انا بحلم بأمجاد التاريخ
تاريخ جدودي الفراعين
بحلم أصون أيوة تراثِك
بعيد عن أي مجرمين
من كل ناهب كل مارق
باع أثرنا و هو سارق
يقطعوا إيده المصريين
[8]
و انا بحلم اجوِّز العوانس
و اشوف كل الناس عرايس
و لا اشوف دمعة فــ أي عين
أو قلب مجروح ولَّا حاسس
و تكون أيامنا يــ ناس أفراح
من غير أحزان و عتاب نرتاح
و لا حد يكون علىَ غيره باصص
بحلم أعيش من غير ألم
و لا اشوف دموع فيها الندم
بحلم و يمكن مستحيل
تيجي الأماني م العدم
لازم الإرادة تكون حديد
و العزم أيوة أكيد أكيد
هيعيش وطنــَّـا محترم




القاهرة - مارس - الإثنين 30 - 3 - 2015 م الساعة 10 و 12 ظهراً - جمال الشرقاوي - كاتب و شاعر -