أم خدود ــــــ جريدة أسد الشعر العربي جمال الشرقاوي ـــــ إجتماعية ـــ سياسية ـــ فنية ـــ دينية ـــ شعرية ـــ عامة

أم خدود
أسد الشعر العربي ( جمال الشرقاوي )
قصيدة \ أم خدود \
نظم الشاعر \ جمال الشرقاوي \


إهداء : للطبيبة الحسناء :

أم خدودْ
بت حلوة صغـيَّـرة ْ
السن تسعتاشر سنة ْ
تنده ـــــ نـَـدَىَ ـــــ  يآ أسد ْ
يطلع كلامها أه دلعْ
تطلع حروفها م الشفايف
مِدَّلـَـعَـة مِـتــْــغـَـنـِّــجَـة ْ  
مِتــْــكَـسَّـرَة ْ
بس من جمالها اخافْ
عشان حروفها م اللسانْ
مِتــْـرَقـصَـة ْ
يتهيألي إنها متأمَّـرَة ْ
أم خدودْ
بتشاغلني
بأحلىَ ضحكة بالجمال مِتْعَطَرَة ْ
ـــــ  شارع عبد العزيز سعود ـــــ
ـــــ المَـنـْـيَـلْ ـــــ
أيوة ـــــ القاهرة ـــــ
هو بعنيه ـــــ الكافيه ـــــ
يا أحلىَ نجمة منوَّرة ْ
( بت يآ دكتورة ) إنتي
جَي بشوقي بكل عمري
يا جديدة يآ مِتـْـشـَـطـَّرَة ْ
يا ام خدودْ
ياللي بتغني الكلام
ترقص تتْ و لا أحلىَ ستْ
قوامها زي المَسْطَرَة ْ
كلامنا لسة م انتهاشْ
و العمر جَي
حلم لسَّة م ابتدَاشْ
يا ـــــ قطر الندىَ ـــــ يا مْسَـكَّرَة ْ  
كفاية مَـوِّتـْـنِـي الدلالْ
انتي أحلىَ ألف مَرَّة م الخيالْ
بس الخجل و الكسوف و الحياءْ
حاجات كدة مِتـْـشَـمَّرَة ْ
لمَّا تزيد عن حَدَّها  
تبقىَ حقيقي مُدَمِّرَة ْ
حكاية حب مش خناقة ْ
عشان تِـتـْـقــَـلِـي
أو تجيلي مُـتـَـنـَـمِّـرَة ْ
عنيَّـهْ كل يوم تحضن عنيكي
إيدي كل يوم تكسر إيديكي
كلامنا كل يوم
إمَّا عليَّه أو عليكي
دي شهادة مش مِـتـْـزَوَّرَة ْ
كفاية خوف يآ ـــــ نــَـدَىَ ـــــ
البَـنـُّـوتة كبرتْ خلاص
بقتْ بسكوتة مِدَوَّرَة ْ
إنتي حب و أحلىَ حبْ
بشتريكي بقلبي لكنْ
قلبي وحده بألف قلبْ
حبي وحده بألف حبْ
م انتي عارفة يا ـــــ ندَىَ ـــــ
قد إيه مِتـْـقـَـدَّرَة ْ  
عمري فيكي بألف عمرْ
بشتري إنسان وروح
مش بالمال و السمسرَة ْ


القاهرة \ أغسطس \ الأربعاء \ 3 \ 8 \ 2016 م الساعة 17 و 10 صباحاً \ جمال الشرقاوي \ كاتب و شاعر \