يا ريتني أكون بدالك ـــــ جريدة أسد الشعر العربي جمال الشرقاوي إجتماعية ـــ سياسية ـــ فنية ـــ دينية ـــ شعرية ـــ عامة

يا ريتني أكون بدالك ـــــ
أسد الشعر العربي ( جمال الشرقاوي )
أغنية - ياريتني أكون بدالك -
من كلمات الشاعر - جمال الشرقاوي -




إيه يا حبيبي جرالك
يا ريتني أكون بدالك
يا ريت كل العذاب
جالي و لا كانش جالك
و حياتك أنا بسألك
قوللي مين زعلك
إحكي كفاية دموع
قلبي عليك موجوع
هو الكلام دة عليَّه
عملت شيء ممنوع
ف الدنيا إيه يبعد هوايا
يبعدني عنك و انتَ مُنايا
لو قالولك كلام عليَّه
سدَّق عنيَّه و شوف أسَايَا
إيه يا حبيبي جرالك
يا ريتني أكون بدالك
يا ريت كل العذاب
جالي و لا كانش جالك
ياريت كل الجراح
ترجَّع اللي راح
و لو خايف عليَّه
قول عشان ارتاح
و لو هعيش ف نار
بس انت و لا تحتار
إلا دموع حبيبي
دمع الرجال مرار
يا للي حُبَّك روح خيالي
م يكونش ظنك يوم شقايا
م انتَ عارفني اكتر من نفسي
مش عايزة أندم ثانية ف هوايا
إيه يا حبيبي جرالك
يا ريتني أكون بدالك
ياريت كل العذاب
جالي و لا كانش جالك
القاهرة - مايو - السبت 19 - 5 - 2001 م الساعة 3 عصرا - جمال الشرقاوي - كاتب و شاعر -