الوش التاني ـــــ أسد الشعر العربي ( جمال الشرقاوي ) أغنية \ الوش التاني \ نظم و كلمات الشاعر \ جمال الشرقاوي \

الوش التاني ـــــ
أسد الشعر العربي ( جمال الشرقاوي )
أغنية \ الوش التاني \
نظم و كلمات الشاعر \ جمال الشرقاوي \

أنا اللي انتي م تعرفيهوش
وشِّي اللي انتي م شوفتيهوش
عايشين سنين مع بعضنا
فــ بيت قديم م فارقـنهوش
و تهنا بين كل الوشوش

كلمة حواليها بطوف
بس منعتني الظروف
م كنتش اقدر يوم اقولها
عمري شوك مزروع بخوف
عندي شعور م عشتهوش

أنا اللي انتي م تعرفيهوش
وشِّي اللي انتي م شوفتيهوش

كنا فــ يوم صغيَّرين
زي أي ناس جيران عايشين
شفت فيكي ملاك طفولة
عمر كنت م بحسبوش
و حزن عمري م لقيتوش

أنا اللي انتي م تعرفيهوش
وشِّي اللي انتي م شوفتيهوش
عايشين سنين مع بعضنا
فــ بيت قديم م فارقـنهوش
و تهنا بين كل الوشوش

فجأة شفتك قلب كبير
صوتك ناعم خد حرير
قد جميل رمش كحيل
كإني فــ عمري م عرفتوش
و لا كلمته و لا شفتوش

أنا اللي انتي م تعرفيهوش
وشِّي اللي انتي م شوفتيهوش
عايشين سنين مع بعضنا
فــ بيت قديم م فارقـنهوش
و تهنا بين كل الوشوش

القاهرة \ سبتمبر \ الأربعاء 28 \ 9 \ 2016 م الساعة 30 و 11 ليلاً \ جمال الشرقاوي \ كاتب و شاعر \