كان هنا في نفس المكان ـــــ أسد الشعر العربي ( جمال الشرقاوي ) قصيدة \ كان هنا فى نفس المكان \ كلمات الشاعر \ جمال الشرقاوى \

كان هنا في نفس المكان ـــــ
أسد الشعر العربي ( جمال الشرقاوي )
قصيدة \ كان هنا فى نفس المكان \
كلمات الشاعر \ جمال الشرقاوى \



أحزان جوانا هموم شايلانا
بنشكى لدنيا مش سمعانا
و ان صرخنا و قلنا آه
يا مين يمسح دمعة بكانا
يرحمنا يدينا الأمان
كان هنا فى نفس المكان
عنوان أفراحنا غاب عنا
و لا احنا تهنا و لا إيه
ساعة ما جراحنا زارتنا
رجعنا للماضى نناديه
رجعت ليوم م كنت خالى
و كنت مع نفسى ف حالى
زرت المكان اللى ف هواه
شفتك سألتك يومها سؤالى
أحزان جوانا هموم شايلانا
بنشكى لدنيا مش سمعانا
و ان صرخنا و قلنا آه
يا مين يمسح دمعة بكانا
يرحمنا يدينا الأمان
كان هنا ف نفس المكان
لمَّا ابتدينا نعيش سوىَ
بدأنا و نسيت اللى فات
مشيت معاك دنيا الهوى
و قلنا هنرسم ذكريات
و اذا الحنين جه ينادينى
هقوله خلاص راح منى زمان
قاللى القدر كون وحدانى
جيت تانى و لنفس المكان
أحزان جوانا هموم شايلانا
بنشكى لدنيا مش سمعانا
و ان صرخنا و قلنا آه
يا مين يمسح دمعة بكانا
يرحمنا يدينا الأمان
كان هنا ف نفس المكان

القاهرة \
جمال الشرقاوى \ كاتب صحفى \