قالولي قلبَك اختارني ــــــ جريدة أسد الشعر العربي جمال الشرقاوي ـــــ إجتماعية ـــ سياسية ـــ فنية ـــ دينية ـــ شعرية ـــ عامة

قالولي قلبَك اختارني ــــــ
أسد الشعر العربي ( جمال الشرقاوي )
قصيدة \ قالولي قلبَك اختارني \
نظم الشاعر \ جمال الشرقاوي \




قالولي قلبَك اختارني
أنا قلت ماله و إيه يعني
لا كان ف خيالي و لا بعقلي
شاريني هواك و لا بايعني
لا كان جمالك على بالي
و لا أي شوق بيلوَّعني
فجأة لقيتك قدَّامي
نور بيدخل ف عنيّه
ورَّاني الكون يا ناس جنة
بتقرَّب الفرحة عليَّه
خلى قمر حياتي وردي
و الزمن صاحبي و حواليَّه
قالولي قلبَك أنا قلت ليه
حرام يا ربي اكدب عليه
أنا كنت عاشق موج عالي
غرَّق حلمي ف سواد عنيه
و لا كنت شايف حاله و دمعه
و لا كنت عارف أعمله إيه
لقيتني فجأة بفكر فيه
مشدود إليه بشوق و عذاب
دي حياتنا حلم بنعيش فيه
و الحزن وهم و صوته غاب
أتاريني و بعد ألف نظرة
كنت بحب و القلب داب
قلتله و قاللي و اتصارحنا
و هربنا م اللي بيجرحنا
حَصَدنا الشوق جنين أخضر
قلنا يا بُعد بقى اكرهنا
مشينا تايهين بشوق و حنين
و الهجر ف يوم م هيعرفنا
دة الزمن بيتغيَّر حاله
جرالك ايه آه يا زمن
مكان العشق نسي احبابه
ليه تسيب عشاقك للمحن
إحنا كدة نبقىَ بنحلم
نهايتنا نضيع اهو دة التمن
أكيد يا حبيبي بكرة نرجع
و شوق الحب فينا يدور
و الزمان بقى يفرح بينا
و المكان كدة نور ف نور
و لو بعدنا ف ألف طريق
هيبان ف يوم شط البحور



الجفرة \ سبتمبر \ الثلاثاء 29 \ 9 \ 1992 م
الساعة 30و2 ليلا \ جمال الشرقاوي \ كاتب و شاعر \