شدِّى إيدِك ـــــ جريدة أسد الشعر العربي جمال الشرقاوي ــــ إجتماعية ـــ سياسية ـــ فنية ـــ دينية ـــ شعرية ـــ عامة

شدِّى إيدِك ـــــ
أسد الشعر العربي ( جمال الشرقاوي )
اغنية \ شدِّى إيدِك \
كلمات \ جمال الشرقاوى \




شدِّي إيدِك من إيديَّه
سبيني وحدي فــ الطريق
أكتر من بحبِّك أنا
لكن اعمل إيه غريق

شدِّي إيدِك و ارحلي
خلي حبي ذكرىَ ليكي
م تبصليش أيوة اعبُري
أطول طريق كان بين إيديكي

سيبي وهم ياما قالك
خلاص بقىَ عدَّىَ الخريف
و الشمس طلعت فــ المَدَىَ

كان خلاص فاكر يومين
عاش معاكي فــ نظرتين
إن العمر الحلو ابتدىَ

شدِّي إيدِك من إيديَّه
سبيني وحدي فــ الطريق
أكتر من بحبِّك أنا
لكن اعمل إيه غريق

دة الحزن قصة هتبتدي
م تفكريش فيَّه ابعدي
قلبي انتهىَ لا تودعيه

إيَّاكي تبكي لتندَمِي
كوني جريئة و اهربي
الدمع فــ الفرح تلاقيه

شدِّي إيدِك من إيديَّه
سبيني وحدي فــ الطريق
أكتر من بحبِّك أنا
لكن اعمل إيه غريق


كتبت هذه الأغنية فى القاهرة \ يونيو \ ليلة الثلاثاء 17 \ 6 \ 2003 م الساعة 4 فجراً \ جمال الشرقاوي \ كاتب و شاعر \