عاشق ـــــ أسد الشعر العربي ( جمال الشرقاوي ) أغنية - عاشق - من شعر الشاعر - جمال الشرقاوي -

عاشق ـــــ
أسد الشعر العربي ( جمال الشرقاوي )
أغنية - عاشق -
من شعر الشاعر - جمال الشرقاوي -




و الحزن جَىِّ بيتنا ليه
ليه هو عايز منا إيه
مين اداله عنوان حتتنا
إوعىَ يـــ قلب نشتريه
كفاية إنه فاتنا و راح
بعد م خد منا الأفراح
منه الدموع عرفت طريقنا
و الشك يـــ قلبى بألف جناح
و الحزن جَىِّ بيتنا ليه
ليه هو عايز منا إيه
مهما يرجع مش هجيله
لا يناديلى و لا أناديله
دنا قربت انساله جرحه
إن سَبْنِى قلبى أه يـ ويله
و ان شكىَ لنا طول لياليه
أو كان هيقولنا على أعذاره
إيَّاك يــ قلبى تحن عليه
و لو م تعرف جنته ناره
و الحزن جَىِّ بيتنا ليه
ليه هو عايز منا إيه
مين اداله عنوان حتتنا
إوعىَ يـــ قلب نشتريه
روح حب غيره سيب أيامه
يــ للي جُوَّاك حب قايد
خلى الدنيا تاخد حبَّك
تاخُد شوق من بعدَك زايد
الوجود مشتاق لحنانَك
همسة صوتك كل زمان
إعشق كل شيء فــ عمرك
فيه وفاء و جمال وأمان
والحزن جَىِّ بيتنا ليه
ليه هو عايز منا ايه
مين اداله عنوان بيتنا
إوعىَ يـــ قلب نشتريه



الجفرة - يوليو - الإثنين - 22 - 7 - 1991 م - الساعة 15 و 1 ظهراً - جمال الشرقاوي - كاتب و شاعر -