بهدوء بقولَّك ـــــ جريدة أسد الشعر العربي جمال الشرقاوي إجتماعية ـــ سياسية ـــ فنية ـــ دينية ـــ شعرية ـــ عامة

بهدوء بقولَّك ـــــ
أسد الشعر العربي ( جمال الشرقاوي )
أغنية - بهدوء بقولَّك -
من نظم الشاعر - جمال الشرقاوي -




قلبي مالَّك و مال لغيرَك
بهدوء بقولَّك عيش لغيرَك
ليه بتخلـَّـي الحب صغيَّـر
قلبي مالَّك كان فــ زمان
و كنت مالي عمري حنان
لكن الزمان دلوقتي اتغيَّـر
متأسفة و م تجيش تسألني
م تجيش تقلـِّـب تاني دفاتري
أنا مش دنيا تجرَّب فيها
و اللي ضاع فــ الحب دة عمري
كان قلبي شيء قدمتهولَـك
مليان بشوق و سبتهولَـك
و انتَ رميته فــ بحر يحيَّـر
قلبي مالَّك و مال لغيرَك
بهدوء بقولَّك عيش لغيرَك
ليه بتخلـَّـي الحب صغيَّـر
خليك لغيرَك كدة مرتاح
عيش العمر يــ عين سوَّاح
حاول ترجع شوف تلاقيني
و لا هتلقىَ ضباب و رياح
حبيتـَـك يوم و لا حبتنيش
إتعذب دة شيء م يهمنيش
إزاي تخون و لا كنت اتصوَّر
قلبي مالَّك و مال لغيرَك
بهدوء بقولَّك عيش لغيرَك
ليه بتخلـَّـي الحب صغيَّـر



القاهرة - من انتاج التسعينيات -
جمال الشرقاوي - كاتب و شاعر -