عمري ما كنت انا عَالمَة ـ أسد الشعر العربي ( جمال الشرقاوي ) ـ أغنية عمري ما كنت انا عَالمَة ـ من شعر : شاعر الأغنية العربية جمال الشرقاوي

عمري ما كنت انا عَالمَة ـ
أسد الشعر العربي ( جمال الشرقاوي ) ـ
أغنية \ عمري ما كنت انا عَالمَة \ ـ
من شعر : شاعر الأغنية العربية \ جمال الشرقاوي \

حقوق النشر و الطبع و التوثيق محفوظة للكاتب الشاعر الأستاذ : جمال الشرقاوي \

$عمري ما كنت انا عَالمَة ـ أسد الشعر العربي ( جمال الشرقاوي ) ـ أغنية \ عمري ما كنت انا عَالمَة \ ـ من شعر : شاعر الأغنية العربية \ جمال الشرقاوي \ Eeeeee53$

عمري م كنت انا ( عَالمَة )
و لا برقص فـــ ليل أفراح
و لا واخدة على اللمَّة
و لا أعرف ليالي ملاح
الدنيا رَمتني بالرَّاحة
من يومها م شُوفتش الرَّاحة
بضحك و عيني فيها جراح

عمري م كنت انا ( عَالمَة )
و لا برقص فـــ ليل أفراح

لقيتني وحدي فـــ الدنيا
راح مني الصحاب و الناس
و راح الشمل و اتفرَّق
و عشت فـــ ليل ملوش إحساس
يشكيلي الدمع و اشكيله
ليوم هحتاجه و بشيله
فـــ قلبي دة الغريب سوَّاح

عمري م كنت انا ( عَالمَة )
و لا برقص فـــ ليل أفراح

عايشة لكنِّي مش عايشة
بموت فـــ اليوم كذا مَرَّة
بقاسي الحزن اهِي ماشيَة
و انا عارفة اني مش حُرَّة
دة قدري و من بَدْءْ الزمان
مكتوبلي اسأل عليك يـــ أمان
و اطير و انا مكسورلي جناح

عمري م كنت انا ( عَالمَة )
و لا برقص فـــ ليل أفراح
و لا واخدة على اللمَّة
و لا أعرف ليالي ملاح
الدنيا رَمتني بالرَّاحة
من يومها م شُوفتش الرَّاحة
بضحك و عيني فيها جراح

القاهرة \ أبريل \ الأحد 17 \ 4 \ 2022 م الموافق 16 رمضان
الساعة 30 و 9 صباحاً \ أسد الشعر العربي ( جمال الشرقاوي ) كاتب و شاعر و باحث \