أعمله إيه ــــــ جريدة أسد الشعر العربي جمال الشرقاوي ـــــ إجتماعية ـــ سياسية ـــ فنية ـــ دينية ـــ شعرية ـــ عامة

أعمله إيه ــــــ
أسد الشعر العربي ( جمال الشرقاوي )
أغنية \ أعمله إيه \
نظم الشاعر \ جمال الشرقاوي \





حبيبي بيقسىَ عليَّه و قلبي
بيفكر فيه
حبيبي بيقسىَ عليَّه و عيني
بتشتاق لعنيه
كل شوية دلاله بيجرح
و تعبت اراضيه
أعمله إيه ؟!
كل شوية أحايله و اقوله
حقك على راسي
يا للي حبَّك عمري دة كله
دة غرامَك قاسي
كل شوية بيزعل مني
و تعبت اراضيه
أعمله إيه ؟!
بيبكيني و بيحيَّرني
و بيجنني
لمَّا أعاتبه أزعل منه
يبعد عني
مش عارف ليه ؟!
أعمله إيه ؟!
حبيبي بيقسىَ عليَّه و قلبي
بيفكر فيه
حبيبي بيقسىَ عليه و عيني
بتشتاق لعنيه
كل كلامه عتاب و خصام
إيه اللي انا فيه ؟!
أعمله إيه ؟!
ليه بينسىَ دموعي يــ قلبي عليه
و كمان أيَّامي
دة الشوق جوايا نار حواليه
باين فــ كلامي
و انا لسة شاريه
أعمله إيه ؟!
حبيبي بيقسىَ عليَّه و قلبي
بيفكر فيه
حبيبي بيقسىَ عليَّه و عيني
بتشتاق لعنيه
آه لو يعذر ينسىَ عناده
و انا بجري وراه
أعمله إيه ؟!



القاهرة \ أغسطس \ الأحد 26 \ 8 \ 2012 م الساعة 9 صباحا
في مستسفىَ الفتح بالمعادي \ جمال الشرقاوي \ كاتب و شاعر \