و فـ يوم م الأيام ـــــ جريدة أسد الشعر العربي جمال الشرقاوي ـــــ إجتماعية ـــ سياسية ـــ فنية ـــ دينية ـــ شعرية ـــ عامة

و فـ يوم م الأيام ـــــ
أسد الشعر العربي ( جمال الشرقاوي )
أغنية \ و فــ يوم م الأيام \
من كلمات الشاعر \ جمال الشرقاوي \




و اتقابلنا
أنا و انتَ
سوىَ من غير معاد
و لُـقانا بشوق كإنه
يــ حبيبي م هيتعاد
بكلام مليان حِنيَّـة
كلِّمتك ... كلِّمتني
وعرفتك و عرفتني
و عشت معاك ليالي
فــ بحرَك غرَّقتني
صحيِّت روحي فيَّة
و فــ يوم م الأيام
و انتَ
بتضحك عليَّه
شفتك و انتَ بتخدعني
كنت بتـسـَّـلىَ بيَّه
معيِّـشني فــ أحلامَك
بتنسىَ جراح أيامَك
بيَّه شويَّة شويَّة
و اتقابلنا
أنا و انتَ
سوىَ من غير معاد
و لُـقانا بشوق كإنه
يــ حبيبي م هيتعاد
بكلام مليان حِنيَّـة
ابتديت تبعد مني
بقيت تقول أعذار
لقيتك مشغول عني
بتهجر من غير إنذار
ليه ضيَّـعت غرامَك
ليه بترجع فــ كلامَك
يــ أغلىَ من عنيـَّه
و اتقابلنا
أنا و انتَ
سوىَ من غير معاد
و لُـقانا بشوق كإنه
يــ حبيبي م هيتعاد
بكلام مليان حِنيَّـة
كلِّمتك ... كلِّمتني
وعرفتك و عرفتني
و عشت معاك ليالي
فــ بحرَك غرَّقتني
صحيِّت روحي فيَّة

القاهرة \ يونيه \ الجمعة 20 \ 6 \ 2014 م الساعة 32 و 8 صباحاً \ جمال الشرقاوي \ كاتب و شاعر \