يا صاحبى ويوم هنعدى أسد الشعر العربي ( جمال الشرقاوي ) أغنية يا صاحبى ويوم هنعدى كلمات الشاعر جمال الشرقاوي

من طرف **جمال الشرقاوي** الأحد مايو 29, 2016 6:23 pm

\ يا صاحبى ويوم هنعدى \
أسد الشعر العربي ( جمال الشرقاوي )
أغنية \ يا صاحبى ويوم هنعدى \
كلمات الشاعر \ جمال الشرقاوي \

يا رب الأمل موجود
دايماً فــ الروح مولود
يــ صاحبي و يوم هنعدي
للحلم اللي كان مفقود

و حال الدنيا متغيـَّر
و انا راجع بأحلامي
أواسي كل متحيـَّر
بأشعاري و بكلامي

و فني ليه يوم مشهود

أقرا لكم كتاب الروح
و اسمعكم كدة الأنغام
و اغني لكم بصوت مفتوح
ع العالم و ع الأيام

و مفيش طريق مسدود

يــ رب الأمل موجود
دايماً فــ الروح مولود
يــ صاحبي و يوم هنعدي
للحلم اللي كان مفقود

الفجر طالع للولادة
و عمري مستني الشهادة
بالإيمان روح الحياه
م تلاقيش جراح زيادة

بكرة اللي جَيِّ موعود

يــ ربنا مهما الحياه
تقسىَ علينا كتير
و مهما يـا ظلم الطغاه
تقتل صغيّر أو كبير

صبـْرنا دة م لوش حدود

يــ رب الأمل موجود
دايماً فــ الروح مولود
يــ صاحبي و يوم هنعدي
للحلم اللي كان مفقود

القاهرة \ جمال الشرقاوي \ كاتب و شاعر \

$\ يا صاحبى ويوم هنعدى \ أسد الشعر العربي ( جمال الشرقاوي ) أغنية \ يا صاحبى ويوم هنعدى \ كلمات الشاعر \ جمال الشرقاوي \ Dsc00934$