إيه يا حبيبي ــــــ أسد الشعر العربي ( جمال الشرقاوي ) أغنية - إيه يا حبيبي - من كلمات الشاعر - جمال الشرقاوي -

إيه يا حبيبي ــــــ
أسد الشعر العربي ( جمال الشرقاوي )
أغنية - إيه يا حبيبي -
من كلمات الشاعر - جمال الشرقاوي -



إيه يــ حبيبي خلاك تكره
قمري و ليلي و أمسي و بكرة
إيه يــ حبيبي خلا حُبِّي
يبقىَ جوة الدنيا ذكرىَ
عايز يفوت زي الزمان
و يحكي سرِّي لغيري كمان
لا يــ حبيبي اهجر علىَ كيفك
و لو حتىَ المستخبي يبان
و كنت فــ يوم تتمنىَ نظرة
فاكرني لمَّا كنت أمَلك
و عيوني كانت يوم مُناك
لمَّا جيتلي و جبت قلبَك
يشكي ماضي كان جفاك
و سكت انا لمَّا لقيت
الفرحة ماليَه عنيك بكيت
و قلت اسيبه يعيش يومين
م الكل باعه و انا اشتريت
و كان فــ يوم يتمنىَ نظرة
إيه يــ حبيبي خلاك تكره
قمري و ليلي و أمسي و بكرة
إيه يــ حبيبي خلا حُبِّي
يبقىَ جوة الدنيا ذكرىَ
كانت عيوني شموع لحُبُه
و دموعي نور هَدَّىَ شوقه
قال جَي دلوقتي يجرَّحني
زي ورد فاضل منه شوكه
شوف قد إيه بوست الأيادي
يا سيدي و الله و عرفت تكره
كام مرة جيت زي الليلة دي
طب ليه النهاردة م بقتش تنده
م كنت فــ يوم تتمنىَ نظرة
إيه يـــ حبيبي خلاك تكره
قمري و ليلي و أمسي و بكرة
إيه يـــ حبيبي خلا حُبِّي
يبقىَ جوة الدنيا ذكرىَ



القاهرة - مايو - الجمعة 25 - 5 - 2001 م الساعة 3 ليلا - جمال الشرقاوي - كاتب و شاعر -