أغنية \ أنا مفيش عندي صديق \ من أشعار : شاعر الأغنية العربية \ جمال الشرقاوي \

أنا مفيش عندي صديق
أسد الشعر العربي ( جمال الشرقاوي )
أغنية \ أنا مفيش عندي صديق \
من أشعار : شاعر الأغنية العربية \ جمال الشرقاوي \

حقوق الطبع و النشر و التوثيق محفوظة للشاعر الأستاذ : جمال الشرقاوي \




أنا مفيش عندي صديقْ
عندي الذكرىَ و الأحزانْ
كان فـــ يوم عندي طريقْ
مفروش بالورد و الخِلَّانْ

و لا قادر يوم أفكَّر فيه
و لا عارف إمتىَ انا هلاقيه
و كنت امشيه و انا بضحك
ناسي الدنيا و الأزمان
أنا مفيش عندي صديقْ
عندي الذكرىَ و الأحزانْ

لقيتني لوحدي فــــ العالم
صحيت من حلم كان جبار
بَــدْعِـي ربـِّـنـا العَالِم
طريقي ضَـلْـمَـة أشواك نار

لا انا عارف إيه اللي بيجرالي
و لا إيه كان غيـَّر أحوالي
بيني و بينَـك عهد أمان
أنا مفيش عندي صديقْ
عندي الذكرىَ و الأحزانْ


قلبي كان يمشيك يـــ طريق
بحب و شوق و حنيـَّـة
كان الطريق هو الصديق
جَـنـَّـة م النار دي شويـَّة

كان هو بسمتي و عمري
كان سِرِّي و قوِّتِي و أمْرِي
مرايتي و نور عيوني كمان
أنا مفيش عندي صديقْ
عندي الذكرىَ و الأحزانْ

القاهرة \ أغسطس \ ليلة الأحد 1 \ 8 \ 2021 م
الساعة 4 و 1 ليلاً \ أسد الشعر العربي ( جمال الشرقاوي ) كاتب و شاعر و باحث \