مؤيدين الرئيس السيسي مش عايشين في عالم تاني ـــ جريدة أسد الشعر العربي جمال الشرقاوي ـــ إجتماعية ـــ سياسية ـــ فنية ـــ دينية ـــ شعرية ـــ عامة ـــ

مؤيدين الرئيس السيسي مش عايشين في عالم تاني

متقول
مش كل مؤيدين السيسي معاهم ملايين عشان ميحسوش بمرار غلاء الأسعار اللي انت حاسس به
ومش كل مؤيدين السيسي بيدعموه عشان شخصه وإنما بيدعموه لأنه رأس السلطة بيدعموه عشان مصر لأنه في يوم من الأيام هيكون في رئيس غيره وبرضه هيدعموه عشان مصر
مش كل مؤيدين السيسي بيروحوا مؤتمرات الشباب
مش كل مؤيدين السيسي على درجات علمية عالية فيهم ناس برضه بسيطة جدا
مش كل مؤيدين السيسي أصحاب مشاريع وعقارات فيهم ناس أصحاب مهن بسيطة ولكن عارفين قيمة الوطن
بس الفرق اللي بينا وبينك اننا بجد خايفين على البلد وعندنا استعداد ناكل بعيش وملح ولا نكون لاجئين في مخيمات
هيطلع فزلوك ويقولي الدولة بتساومنا على الأمن... لا طبعاً الأمن والأمان ده حقك في بلدك.. لكن احنا بنمر بظروف صعبة جدا اقتصادية واجتماعية وسياسية المخططات تحاك لك من كل الأعداء
طيب هتسألني لحد امتى هنتحمل الكلام ده ؟!؟

هجاوبك
الرئيس بيعمل اللي عليه وزيادة وتقريبا الراجل ده مش بينام.. تختلف معاه في اي شئ لكن تقدر تنكر أن الرئيس بيقضي على العشوائيات
تقدر تنكر أن الرئيس بيحارب الفساد بكل ما أتاه الله من قوة ؟
تقدر تنكر شبكة الطرق القومية ؟
تقدر تنكر منظومة التموين ؟
تقدر تنكر مساكن الشباب ؟
تقدر تنكر إعادة تشغيل المصانع ؟
تقدر تنكر مشروع تكافل وكرامة ؟
تقدر تنكر القضاء على فيرس سي
تقدر تنكرتواصله مع الشباب من خلال مؤتمرات الشباب مافيش رئيس دولة فى العالم بيعمل كده
تقدر تنكر ان الرئيس على المستوى الخارجي نجح في إعادة العلاقات والتقارب مع دول الغرب وأفريقيا وأصبحت مصر لها دور إقليمي ودولي كما كانت من قبل
تقدر تنكر مشروع المليون ونص فدان ؟
تقدر تنكر مشروعات الاستزراع السمكي ؟
تقدر تنكر أن قضى على مشكلة الكهرباء واصبح لدينا فائض ؟
طبعا الحاجات سالفة الذكر لا سبيل المثال وليس الحصر
عشان تحس ان كل اللى بيعمله السيسي صح ولمصلحتك لازم يكون عندك شعاع نور فى ظلام داكن..
خد بالك
- السيسي لما ارتدى الزي العسكري وطلع علينا يعلن ترشحه قال حرفيا انا مش معايه عصايه سحريه عشان أحقق احلامكم والبلد محتاجة شغل كتير وهنصحي بدري يا مصريين من الساعة 6 صباحاً
- السيسي في كل لقاء أو مناسبة تلفزيونية بيطلع يقولنا أن البلد حالها صعب.. مضحكش علينا ولا قالنا انا من الهوا هجيبلكم 200 مليار دولار
- السيسي بيسلح الجيش وده اللي مانع عنك بلاوي كتير وكل الدول بتعملك حساب لأنك قوة عسكرية لا يستهان بها
- السيسي محدش كاسر عينه و لا عليه فواتير لحد .. ولا جاي ينفذ أجندات
شوفنا فى عهده وزراء ومستشارين وقضاء وضباط وكبار رجل الدولة بتتجاب صوت وصورة عشان محدش فوق القانون..
- السيسي راجل ايده نضيفه عشان كده الناس اللي بتأيده مستحملة معاه..
- السيسي بيعمل مشروعات تتعمل فى عشرات السنين بيحاول يسابق الزمن لأننا تأخرنا كتير
- السيسي بيجيب حق اخواتنا اللى ماتت في سيناء
- السيسي انسان بكل ما تحمله معاني الكلمة
- السيسي أخرجنا من تحت عباءة أمريكا واصبح لمصر استقلاليه في القرارات الداخلية و الخارجية..
- السيسي انسان شريف فى زمن عز فيه الشرف
مكملين معاك يا سيسي
نحن ذخيرتك وقوت معركتك وفقك الله لما يحبه ويرضيه ..
منقول ...

القاهرة \ سبتمبر \ الإثنين 4 \ 9 \ 2017 م الساعة 16 و 1 ظهراً \ رابع أيام عيد الأضحىَ المبارك \ جمال الشرقاوي \ كاتب و شاعر \