عَالمْ جديدْ ـــــ أسد الشعر العربي ( جمال الشرقاوي ) أغنية \ عَالمْ جديدْ \ من قصائد الشاعر \ جمال الشرقاوي \

عَالمْ جديدْ ـــــ
أسد الشعر العربي ( جمال الشرقاوي )
أغنية \ عَالمْ جديدْ \
من قصائد الشاعر \ جمال الشرقاوي \




لا انا عايز اعيد الذكريات
و لا قادر احْيي ماضي مات
عايز اعيش فــ حب جديد
قلب جديد عَالم جديد
و كفاية حزن ع اللي فات

هىَ الدموع تقدر تجيب
كل اللي راح
و ازاي يــ غرقان فــ العذاب
ننسىَ الجراح
بكفاية كدة يــ عيوني خلاص
مش هو دة كل الإخلاص

لا انا عايز اعيد الذكريات
و لا قادر احْيي ماضي مات
عايز اعيش فــ حب جديد
قلب جديد عَالم جديد
و كفاية حزن ع اللي فات
عايز امشي بين الناس يــ قلبي
علىَ شط النيل بين النـَـوَادِي
و اتمنىَ الاقي الحب جنبي
و بلاش بُـكا من الساعة دي
بُـكرة الأمل يمحي الألم
يحيي ِ الوفا من غير ندم

لا انا عايز اعيد الذكريات
و لا قادر احْيي ماضي مات
عايز اعيش فــ حب جديد
قلب جديد عَالم جديد
و كفاية حزن ع اللي فات


القاهرة
جمال الشرقاوي \ كاتب و شاعر \