جلادين الكون ـــــــ جريدة أسد الشعر العربي جمال الشرقاوي ـــــ إجتماعية ـــ سياسية ـــ فنية ـــ دينية ـــ شعرية ـــ عامة

جلادين الكون ـــــــ
أسد الشعر العربي ( جمال الشرقاوي )
قصيدة \ جلادين الكون \
من كلمات الشاعر \ جمال الشرقاوي \





ياللي عذبتو البشر
هو انتو برضه مش بشر
ياللى ختو حق غيركو
و سبتو كل الناس تنتحر
هو انتو برضه مش بشر
و شغلتو كل الأمكنة
خليتو إيه للطيبين
بتجلدوا قلوب العباد
بتزوّدوا الدمع الحزين
ياللي عذبتو البشر
هو انتو برضه مش بشر
الأرملة اللي هناك بتبكي
شوفها بتحضن كام يتيم
كام فقير معاه مسكين
بيسهروا من جوع أليم
هو انتو برضه مش بشر
الكون بيصرخ آهة منكم
ليه طمعانين كدة فــ المزيد
شكل الحضارة يهمكم
و القسوة جوهركو الشديد
ياللي عذبتو البشر
هو انتو برضه مش بشر
قدر و مكتوب ع العباد
و امتحان ليه يوم معاد
جلادين الكون طغاه
هنصبر مهما الظلم زاد
و همّا لسة مش بشر
بدعيك يــ رب يـآ رحمن
تنقذ الحق اللي ضاع
تنتقم من كل آثم
قلبه خان الدين و باع
ياللي عذبتو البشر
هو انتو برضه مش بشر
ياللي ختو حق غيركو
وسبتو كل الناس تنتحر
ليه انتو دايماً مش بشر



جمال الشرقاوي \ كاتب و شاعر \