أسد الشعر العربي ( جمال الشرقاوي ) أغنية يا بحر كلمات و نظم : شاعر القصيدة العربية جمال الشرقاوي

يا بحر
أسد الشعر العربي ( جمال الشرقاوي )
أغنية \ يا بحر \
كلمات و نظم : شاعر القصيدة العربية \ جمال الشرقاوي \

حقوق الطبع و النشر و التوثيق محفوظة للكاتب الشاعر الأستاذ : جمال الشرقاوي \

$أسد الشعر العربي ( جمال الشرقاوي ) أغنية \ يا بحر \ كلمات و نظم : شاعر القصيدة العربية \ جمال الشرقاوي \ Img20210$

يا بحر
يــ للي الهوىَ حَضَن موجَك
و راح العمر بخروجَك
واجعني الجرح و الذكرىَ
و انا بمركبي فوقَك

يا بحر
أقول لمين غيرَك
و اشكي اللي جوايَّا
و انتَ شُفت كتير
رَمْلَك مَعَدَّايَة
ما هو شوقي من شوقَك

يا بحر
عَيِّشتِني فـــ أحلام
دَخَّلتني فــ حروب
و انا قلبي لسَّة اخضر
خَلِّتني شمس غروب
ع الشَّط بهروبَك

يا بحر
كل ما اصفالَك
و اجي أقول مالَك
الاقيك معاندني
و الهجر يحلالَك
غيَّر بقىَ توبَك

يا بحر
حرام عليك قلبي
كفاية تعذبني
ليه غاوي تتعبني
أنا غلطتي و ذنبي
هويت و حبيتَك

القاهرة \ سبتمبر \ ليلة الثلاثاء 7 \ 9 \ 2021 م
الساعة 8 و 2 ليلاً \ أسد الشعر العربي ( جمال الشرقاوي )
كاتب و شاعر و باحث \