لأ انتَ مش مصري ـــ جريدة أسد الشعر العربي جمال الشرقاوي ـــ إجتماعية ـــ سياسية ـــ فنية ـــ دينية ـــ شعرية ـــ عامة ـــ

لأ انتَ مش مصري
أسد الشعر العربي ( جمال الشرقاوي )
أغنية \ لأ انتَ مش مصري \
نظم الشاعر \ جمال الشرقاوي \


مين قالَّـك تبقىَ مصري
يــ للي بتقتل ولادَك
عمرَك م كنت مصري
يــ للي بتخون بلادَك
لأ انتَ مش مصري !!

هربت من الحدود
و بنيت وراك سدود
و كمان نسيت أصلنا
و راجع تقتل جنود
إزاي تكون مصري ؟!

هان عليك دَمِّـنا
حضارتنا و حلمنا
يــ للي قبضت التمن
ليه تدمَّر شعبنا
لأ انتَ مش مِنـِّـنـَـا
و لا كنت يوم مصري !!

أيوة انتَ مش مصري
لسَّـة عليك بدري
إرهابي أه و خاين
جرحَك هنا فــ صَدْري
رصاص قـتـَـل عمري
يا خسارة مش مصري !!

لا مصر أوطانـَـك
م , دَمْ تبيع أرضنا
و لا تبقىَ مصر امَّك
م , دَمْ تبيع عرْضنا
و هان عليك دَمْـعنا
مُحَال تكون مصري !!

القاهرة \ أكتوبر \ الثلاثاء \ 24 \ 10 \ 2017 م الساعة 5 مساءً \ جمال الشرقاوي \ كاتب و شاعر \