إنتي مين ـــــ جريدة أسد الشعر العربي جمال الشرقاوي إجتماعية ـــ سياسية ـــ فنية ـــ دينية ـــ شعرية ـــ عامة

إنتي مين ــــــ
أسد الشعر العربي ( جمال الشرقاوي )
أغنية \ إنتي مين \
نظم الشاعر \ جمال الشرقاوي \



إنتي مين قولي ... و عملتي إيه فيَّـه
رايحة جيَّـه تعذبيني بالعيون دِيَّـه
إنتي مين

مِن قوامِك مِن كلامِك و حلاوتِك
مِن خفة دمِّك و كلامِك و ابتسامتِك
لو عمري كله جوة حضنِك يبقىَ شوية
إنتي مين

إنتي بت حلوة صغيرة بتلاغيني
إنتي جيَّـة تخليني أعشقك و تعشقيني
ألف حرام عليكي تضحكي من غير كلام
أنا م استحملش ابوس إيديكي كلميني

دوبني قلبـِـك دة اللي كله شوق حنيَّـة

إنتي مين


إنتي مين قولي ... و عملتي إيه فيَّـه
رايحة جيَّـه تعذبيني بالعيون دِيَّـه
إنتي مين

تتحبي أه تتعشقي أه سَـدَّقيني
عايز اشوفِك و امسِك إيدِك اضم قلبـِـك
أحضن عيونِك بس اقولِك يــا حبيبتي
لو نعيش و تبقي جنبي و ابقىَ جنبـِـك

حبـِـك مغامرة و سكة أه مش منتهيَّـة

إنتي مين

إنتي مين قولي ... و عملتي إيه فيَّـه
رايحة جيَّـه تعذبيني بالعيون دِيَّـه
إنتي مين


القاهرة \ يناير \ الإثنين 25 \ 1 \ 2016 م الساعة 9 مساءً \ جمال الشرقاوي \ كاتب و شاعر \