من قد إيه ـــ جريدة أسد الشعر العربي جمال الشرقاوي ـــ إجتماعية ـــ سياسية ـــ فنية ـــ دينية ـــ شعرية ـــ عامة ـــ

من قد إيه
أسد الشعر العربي ( جمال الشرقاوي )
أغنية \ من قد إيه \
من شعر الشاعر \ جمال الشرقاوي \

شوف من قد إيه بحبَّـك
من قد إيه مش قادرة اقولـَّـك
من قد إيه
إن انتَ طول عمرك حبيبي
و لو م كنتش يوم داري بي
و لمَّـا بتعدِّي و اشوفــَـك
بقول لجراح سنيني غيبي
من قد إيه

بحب فيك روحـَـك و قلبَـك
بعشق عيونــَـك ويَّـا قدَّك
شايفة نفسي بين شفايفــَـك
عايزة اكمِّـل عمري جنبـَـك
من قد إيه

مش لاقية نفسي غير معاك
عايشة فــ حُضنـَـك و بلـُقـاك
دمعتين فــ عيوني ... دمعة
غيابـَـك و دمعة ميلاد هواك
من قد إيه

شوف من قد إيه بحبَّـك
من قد إيه مش قادرة اقولـَّـك
من قد إيه
بحب فيك روحـَـك و قلبَـك
بعشق عيونــَـك ويَّـا قدَّك
شايفة نفسي بين شفايفــَـك
عايزة اكمِّـل عمري جنبـَـك
من قد إيه

بنام و اصحىَ علىَ فرحة
أقابلـَـك يوم و انا رايحة
أجيب طرحتي و فستاني
و اودَّع دمعتي الجارحة
من قد إيه


شوف من قد إيه بحبَّـك
من قد إيه مش قادرة اقولـَّـك
من قد إيه
بحب فيك روحـَـك و قلبَـك
بعشق عيونــَـك ويَّـا قدَّك
شايفة نفسي بين شفايفــَـك
عايزة اكمِّـل عمري جنبـَـك
من قد إيه

القاهرة \ يناير \ الإثنين 18 \ 1 \ 2016 م الساعة 35 و 10 مساءً \ جمال الشرقاوي \ كاتب و شاعر \