رسالة لنساء فيس بوك ـــــ جريدة أسد الشعر العربي جمال الشرقاوي ــــ إجتماعية ـــ سياسية ـــ فنية ـــ دينية ـــ شعرية ـــ عامة ـــــ

رسالة إلىَ نساء فيس بوك ــــــ
أسد الشعر العربي ( جمال الشرقاوي )
رسالة إلىَ نساء فيس بوك
من تعليقاتي علىَ فيس بوك \ جمال الشرقاوي \

كتبت هذا التعليق للأستاذة منىَ أبو شنب الداعية إلىَ تعدد الزوجات

الفيس بوك مفيش فيه شروط لتعارف الراجل بالمرأة .... المفروض ما يشتكوش من مجرد إن راجل عايز يتعرف .... إيه المشكلة .... هو لمسها ؟! و المفروض إنك عندك في صفحتك ستات كتير مطلقات أو أرامل أو ما شابه ذلك عوانس و كذلك فيه رجالة مطلقين و أرامل و عوانس إيه المشكلة لما يتعرفوا و يتجوزوا ؟! هى كل واحدة عايزة تعرف الراجل بشروطها و بمزاجها و وقت ما هى عايزة و لما تكون مش عايزة تضربه بالجزمة على راسه و تشتكي منه و يبقى شخص أخلاقه وحشة و سمعته مش كويسة !!!! لازم الستات في مصر قبل ما يطالبوا بحقوقهم يتعلموا احترام الراجل عشان الراجل يقدر يحترمهم .... طب هما قدموا إيه للراجل ؟! عايزة تتجوزه بشروطها و تتعرف عليه بشروطها و يكلمها بشروطها قال إيه ـــ في النور ؟! ـــ يعني انا لو عايز اكلم واحدة أكلمها على العام مش على الخاص ؟! يعني لما تطلع مجنونة و تحرجني ما هو فيه ستات مجانين كتير يقوم الناس على الفيس بوك يفتكروا إن دة راجل رزيل !!! فيه واحد بيكون معجب بواحدة من صورتها و عايز يكلمها طب دي يقولها إيه على العام ؟! و دة وضع خاص لازم الكلام فيه ياخد شكل الخصوصية يمكن عايز يتجوزها و يشرحلها ظروفه الصعبة هيتكلم عن ظروفه على العام عشان يثبت انه محترم ؟! فإذا كانت المرأة تطالب الرجل بالعدل فعليها هى الأخرىَ أن تكون عادلة أليس كذلك ؟! مفيش واحدة تخاف من الكلام على الخاص دة موقع تواصل اجتماعي مش ــ سلاملك حريم ــ و لما المرأة تسمع من الراجل اللي بيكلمها حاجة غلط تعمله حظر أو بلوك .... لكن كل واحدة عايزة تعمل نفسها مؤدبة تكتب على صفحتها ممنوع الخاص و هى في الحقيقة ممكن تكون عفريتة ما ــ يتبصش ــ في خلقتها .... لازم الستات في مصر يفهموا ازاي يعاملوا الرجل و لطالما هى ليها شروط هو كمان ليه شروط و في الأخر بالطريقة دي هنوصل لطريق مسدود لابد من البساطة في التعامل لإن مش كل علاقة المرأة بالرجل منحصرة في الزواج و المصالح و المنافع دة فكر رجعي متخلف ..... و بس .....

القاهرة \ مارس \ الإثنين 27 \ 3 \ 2017 م \ الساعة 27 و 11 ظهراً \ جمال الشرقاوي \ كاتب و شاعر \