علىَ فين يا قدر ـــــ جريدة أسد الشعر العربي جمال الشرقاوي ـــــ إجتماعية ـــ سياسية ـــ فنية ـــ دينية ـــ شعرية ـــ عامة

علىَ فين يا قدر ـــــ
أسد الشعر العربي ( جمال الشرقاوي )
أغنية \ علىَ فين يا قدر \
من كلمات الشاعر \ جمال الشرقاوي \


علىَ فين يــ قدر مِوَدِّينا
تلف تدور كتير بينا
عايشين فــ دنيا مش عايشين
نهارنا زي ليالينا
علىَ فين يــ قدر

سنين ماشيين فــ دنيتنا
هناخد من دنيتنا إيه
عايشين لكن فــ قصتنا
قدرنا و نهرب منه ليه
علىَ فين يا قدر

عايزين فوق العمر سنين
و ياما سنين هتمُر يــ عين
عشان نفهم إيه الحياه
ليه شايفين و مش شايفين
علىَ فين يا قدر

علىَ فين يــ قدر مِوَدِّينا
تلف تدور كتير بينا
عايشين فــ دنيا مش عايشين
نهارنا زي ليالينا
علىَ فين يــ قدر

ليه و إيه أخر الدموع
لو مش هتغيَّر فــ المكتوب
أيام أفراح و جراح عشناها
ثواني و صبحت ذكرىَ يــ دوب
علىَ فين يــ قدر
علىَ فين يــ قدر مِوَدِّينا
تلف تدور كتير بينا
عايشين فــ دنيا مش عايشين
نهارنا زي ليالينا
علىَ فين يــ قدر

القاهرة \ أغسطس \ ليلة الجمعة 1 \ 8 \ 2008 م
الساعة 2 ليلاً \ جمال الشرقاوي \ كاتب و شاعر \