شايلِك يا مصر ـــــ جريدة أسد الشعر العربي جمال الشرقاوي ــــ إجتماعية ـــ سياسية ـــ فنية ـــ دينية ـــ شعرية ـــ عامة

شايلِك يا مصر ـــــ
أسد الشعر العربي ( جمال الشرقاوي )
قصيدة \ شايلِك يا مصر \
من قصائد الشاعر \ جمال الشرقاوي \




شايلك يا مصر ف عيونى
راسمك يا مصر بفنونى
شايفك يا مصر كل ثانية
بتقولى لولادك غيثونى
سامعك يا مصر من بعيد
بتصرخى و بتندهينى
شايلك يا مصر
ياللى ف القرأن حروفك
الأمان جَى يمحى خوفك
الرب قال يوم ادخلوها
السلام نور فى دروبك
يا مصر يا دُرَّة ف المدَىَ
دة العالم كله جَىِّ يشوفك
شايلك يا مصر
شايلك يا مصر م البداية
جَىِّ هواكى على هوايا
و هموت عليكى ف النهاية
قلبك ف قلبى نجم ف سمايا
و م تخافيش لو يوم تعبتى
أنا ابنك فداكى لا سوايا
شايلك يا مصر
وصيَّة من آخِر نبى
شايلك وصية من جدودى
أحلف بربى يوم لعهدِك
و لأحلىَ أيامِك تعودى
دمِّى يرويكى جناين
جمالك يطرح فى ِ خدودى
شايلك يا مصر
شايل عيونك فى ِعيونى
شايل دمِّك فى وريدى
لمَّا تبكى ف يوم يا أمى
إمسحى دموعِك بإيدى
و ان مُت يوم إدعى و قولى
إبنى حَىِّ مات شهيدى
شايلك يا مصر


كتبت هذه القصيدة فى القاهرة \ سبتمبر \ الخميس 22 \ 9 \ 2011 م
الساعة 15و9 صباحا \ جمال الشرقاوى كاتب و شاعر \