دَوَّخـْـتـْـنِي ـــــ جريدة أسد الشعر العربي جمال الشرقاوي ــــ إجتماعية ـــ سياسية ـــ فنية ـــ دينية ـــ شعرية ـــ عامة

دَوَّخـْـتـْـنِي ـــــ
أسد الشعر العربي ( جمال الشرقاوي )
أغنية \ دَوَّخـْـتـْـنِي \
من كلمات الشاعر \ جمال الشرقاوي \




دَوَّخـْـتـْـنِي تعبتني
عشان بقول اني بحبَّـك
سَـهـَّـرتني جننتني
عشان بتمنـَّـىَ اسكـُن قلبَـك
م قلتش أكتر من كدة
إزاي بتتقل ليه كدة
مشكلتي هىَ اني بحبَّـك
أشواقي ليك متشدِّدَة

دَوَّخـْـتـْـنِي تعبتني
عشان بقول اني بحبَّـك
سَـهـَّـرتني جننتني
عشان بتمنـَّـىَ اسكـُن قلبَـك

مش عايزة اكون متلوَّعَة
و لا اعد أوراق الشجر
و لا اشوفش نار متجمَّـعَـة
جُوَّايَّـا بتقول م القدر
م تبَـكـِّـنيش م تخلـِّـنيش
أعرف إيه طعم الألم
فرَّحني يوم خلـِّـيني اعيش
و ابعدني عن ليل الندَم

دَوَّخـْـتـْـنِي تعبتني
عشان بقول اني بحبَّـك
سَـهـَّـرتني جننتني
عشان بتمنـَّـىَ اسكـُن قلبَـك


القاهرة
جمال الشرقاوي \ كاتب و شاعر \