حب ملوش آخر ـــــ جريدة أسد الشعر العربي جمال الشرقاوي إجتماعية ـــ سياسية ـــ فنية ـــ دينية ـــ شعرية ـــ عامة

حب ملوش آخر ـــــ
أسد الشعر العربي ( جمال الشرقاوي )
أغنية -حب ملوش آخر -
من كلمات الشاعر - جمال الشرقاوي -




أقولك إيه
و الشوق فــ عنيَّه ماليها
و اقولك ليه
م دم قارى اللي انكتب فيها
و مهما تقوللي مش عارف و لا داري
و لو تتقل
كأنك لسة مش قاري
هحبَّك حب مالوش آخِر
أنا هصبر عليك بقىَ و استنىَ
و فــ نور عنيك هبقىَ فــ جنة
دة أكيد يــ جارحني هتتمنىَ
الحب فــ يوم تعشق ناري
و تجينى و اقولك أحلامي
و تعيش فــ عيوني و أيامي
و اعرف جواك إيه مدَّاري
أقولك إيه
و الشوق فــ عنيَّه ماليها
و اقولك ليه
م دم قاري اللي انكتب فيها
و مهما تقوللي مش عارف و لا داري
و لو تتقل كأنك لسة مش قاري
هحبك حب ما لوش آخِر
و هكدب ليه
م دم روحي بتعشق روحَك
و اداري ليه
و الوم نفسي م انا طوعَك
دة أهل العشق بسألهم و قالولي
و لا أحتار
و لا أعذار ووصفولي
أعرف احبك و افضل جنبك
و اخلى الدنيا حب فــ قربك
و اعرف إيه شاغلك يــ شاغلني
ساعتها تبوحلي بأسرار قلبَك
و الدنيا تفتـح قدَّامي
و الكون هيردد أنغامي
علشان حبيتك و انا شاري
أقولك إيه
و الشوق فــ عنيَّه ماليها
و اقولك ليه
م دم قاري اللي انكتب فيها
و مهما تقوللي مش عارف و لا داري
و لو تتقل
كأنك لسة مش قاري
هحبك حب مالوش آخِر




كتبت هذه الاغنية فى القاهرة - يناير - السبت - 18 - 1 - 2000 م - جمال الشرقاوي - كاتب و شاعر -