فاهمني يا حبيبي ـــ جريدة أسد الشعر العربي جمال الشرقاوي ـــ إجتماعية ـــ سياسية ـــ فنية ـــ دينية ـــ شعرية ـــ عامة ـــ

فاهمني يا حبيبي
أسد الشعر العربي ( جمال الشرقاوي )
أغنية \ فاهمني يا حبيبي \
كلمات الشاعر \ جمال الشرقاوي \

مش معنىَ إني بغير عليك
يعني إني بشك فيك !!!
أو حتىَ إني يــ حبيبي
عايز امسك غلطة ليك !!!
فاهمني يــ حبيبي ؟!
إيَّاك تقول إن سؤالي
عبارة عن شك فــ ولائك !!!
و تغضب أو تثور عليَّه !!!
علىَ إني بنكر يوم وفائك !!!
فاهمني يــ حبيبي ؟!
أنا حبي ليك ملوش حدود !!!
ما هو عَدَّىَ الشمس و القمر !!!
عّدَّىَ النجوم عَدَّىَ السما !!!
عَدَّىَ عيون كل البشر !!!
عَدَّىَ القلوب عَدَّىَ البصر !!!
فاهمني يــ حبيبي ؟!
حبي ليك عَدَّىَ الأشواق !!!
دة بيتكلم و بألف لسان !!!
حبي ليك بعيون و قلب !!!
يحزن يفرح زي إنسان !!!
عَدَّىَ الزمان عَدَّىَ المكان !!!
فاهمني يــ حبيبي ؟!
مش معنىَ إني بغير عليك
يعني إني بشك فيك !!!
أو حتىَ إني يــ حبيبي
عايز امسك غلطة ليك !!!
فاهمني يــ حبيبي ؟!
إيَّاك تقول إن سؤالي
عبارة عن شك فــ ولائك !!!
و تغضب أو تثور عليَّه !!!
علىَ إني بنكر يوم وفائك !!!
فاهمني يــ حبيبي ؟!
مهما قطر الدنيا خدني
بس مش منك ياخدني
لو حتىَ جنون الفكر جالي
و انا معاك م يجيش يزورني
و عنيَّه تشوف عنيك و تشوفني
فاهمني يــ حبيبي ؟!
عشان احس بيك لوحدك
أعيش بعمري جوة عمرك
و املي عيني أيوة منك
و اسيب روحي معاك و عندك
هاخدك فــ حضني احلف و اعاهدك
فاهمني يــ حبيبي ؟!
مش معنىَ إني بغير عليك
يعني إني بشك فيك !!!
أو حتىَ إني يــ حبيبي
عايز امسك غلطة ليك !!!
فاهمني يـــ حبيبي ؟!
إيَّاك تقول إن سؤالي
عبارة عن شك فــ ولائك !!!
و تغضب أو تثور عليَّه !!!
علىَ إني بنكر يوم وفائك !!!
فاهمني يــ حبيبي ؟!
القاهرة \ سبتمبر \ الأحد 2 \ 9 \ 2012 م الساعة 7 مساء \ جمال الشرقاوي \ كاتب و شاعر \